મનમાં રહી ગઈ
મનમાં રહી ગઈ
![](https://cdn.storymirror.com/static/1pximage.jpeg)
1 min
![](https://cdn.storymirror.com/static/1pximage.jpeg)
48
શું કરું હું વાત, મનની મનમાં રહી ગઈ,
હૃદયની એ ઘાત, મનની મનમાં રહી ગઈ,
કલ્પનાની દુનિયામાં જીવવું પડશે હવે,
જે હતી હકીકત, મનની મનમાં રહી ગઈ,
આમ જ વીતી ગયું છે આયખું હવે મારુ,
જીવવાની દાનત, મનની મનમાં રહી ગઈ,
દુઃખ ઠાલવવું તો સાચે જ ખૂબ મુશ્કેલ છે,
કહેવાની આદત, મનની મનમાં રહી ગઈ,
તમે મૂકી ને ગયાં છો સંગીન આરોપ એવો,
સહેવાની તાકાત, મનની મનમાં રહી ગઈ.