મને ક્યાં સમજાય છે !?

      અસમંજસથી છું ભરેલો

       મને ક્યાં સમજાય છે !

       લખાય છે આ પેનથી,

   પેનની શાહી વપરાય છે..જાણું છું...

             પણ....

    એ મને ક્યાં સમજાય છે !

નદીના વહેણમાં કૂદકો લગાવતા મજા આવી જાય છે,

પણ એ વહેણનું જોર આપણનેય ખેંચી જાય છે..જાણું છું..

              પણ...

     એ મને ક્યાં સમજાય છે !

   "સમુંદર"માં ભરતી ટાણે પાણી આગળ વધે છે અને

  ઓટ આવતા અંદર પાછું વળી જાય છે .. જાણું છું .. 

             પણ...

     એ મને ક્યાં સમજાય છે !

  લગન સમયે વર-વધુ ના છેડા એક થાય છે પછી      

              જ્યારે 

 ઝઘડો-કંકાસ થાય તો છેડા છૂટાં થઈ જાય છે જાણું છું.. 

            પણ..

     એ મને ક્યાં સમજાય છે !

    આંખોમાં પાણી આવતા એકલતા અનુભવાય છે 

              છતાં પણ 

ખુશીના ટાણે સૌની સાથે મલકાઈ જવાય છે...જાણું છું..

            પણ...

     એ મને ક્યાં સમજાય છે !

      ખુદની આવડતથી સોંપાયેલું કામ

      સરળતાથી પૂરું પડાય છે જાણું છું. .

             પણ...

      એ મને ક્યાં સમજાય છે !

      સમજાય છે બધુંજ પણ 

કોઈનો ખાલીપો ભરવા નાસમજ થઈ જવાય છે.. 

       એ પણ જાણું છું...

           પણ...

       એ મને ક્યાં સમજાય છે !