મન

એ મન ચાલને તને પણ વેકેશન આપુંં,

ક્યાંક વિચારોને વિરામ આપું.

સતત આટલું તું મથે છે,

શું તું ક્યારેય થાકતું નથી?

ચાલ આ વાળ્યું પોટલું વિચારોનું 

ને મૂકી દીધું અભરાઈ પર,

તું એ માણી લે આઝાદીની થોડી પળો,

ક્યારેક તો પરિવર્તન તને પણ જોઈએ ને,

આવ ને રમીએ પાંચીકા,

અરે આં નારગોલ, સંતાકૂકડી,

ચાલ ને રમી લઈએ નદી કે પર્વત,

આ જો કર્યો તારો થપ્પો..

ચાલ જરા રજામાં એમ જ હળવા થઈએ,

ને બચપણ ને આમ જ માણી લઈએ,

અરે આવ ને દોસ્ત જીવી લે,

પછી તો આ ભાર છે જ જીવનભર,

નાહકની આ ઉધારની ઉપાધિ છોડી દે,

હશે, ચાલશે, ફાવશે એવું જ ચાલુ કરી દે,

ચાલ મન આજ તને પણ વેકેશન આપુંં,

ચાલ મન આજ તને પણ વેકેશન આપુંં.