પણ

પણ ચાહવાનું મન તો થાય છે

પણ ચાહી શકતો નથી

અતીતનાં સંભારણાને વર્તમાનમાં

પણ લાવવું હોય તોય લાવી શકતો નથી

જમાનાની નવી રીત-રસમો તોડવાનું મન થાય છે

પણ સંબંધોની બેડીઓથી બંધાયેલ પગ

ઉંબરાને ઓળંગી શકતો નથી

વારંવાર એ જ ચાહતને સ્મરણમાં લાવવા માંગું છું

પણ તારી યાદથી ભીંજાયેલી આંખોને

સંસાર સમક્ષ લાવી શકતો નથી

ભલે ' મીન ' આ ભવસાગરમાં નાવની પતવાર નથી

પણ એના નામના સહારે

વમળમાં પણ ડુબી શકતો નથી