એ દિવસની વાતો
એ દિવસની વાતો
એ દિવસોની વાતો કરતાં,
દિલ હજીય નથી ધરાતા,
કેવા મઝાના દિવસો હતાં,
હસતા ખેલતા મોટા થતાં.
રમતા ભમતા ને ભણતા,
એમાં કદી ન પાછા પડતા,
નાના મોટાની માન મર્યાદા,
માનતા વડીલો ના કાયદા.
થોડામાં પણ જાજુ માણતા,
ફરિયાદ ન કદી મુખે લાવતા.
માતપિતાની છાયામાં રહેતા,
ફિકર બીજી કાંઈ ન કરતાં.
જીવનના એજે દિવસો હતાં
કેમેય કરી નથી વિસરાતા
એ દિવસોની વાતો કરતાં,
દિલ હજીય નથી ધરાતા.