એ દિવસોની વાતો

એ દિવસોની વાતો અને યાદો તો કેમ કરીને ભૂલાય,

એ દિવસોની મોજ મસ્તી ક્યારેય ન ભૂલાય.

આપણે બધા ભાઈ બહેનો ભેગા થઈ ધમાચકડી મચાવતા,

કેટલું પણ ઝગડીએ પણ એકબીજા વિના ક્યારેય ન રમતા,

એ દિવસો તો યાદ કરીને ચહેરા પર મુસ્કાન આવે,

એ દિવસોને યાદ કરતા હૈયું ભરાઈ આવે.

નિસ્વાર્થ અને મનમાં કોઈ દ્વેષ વિનાના એ દિવસો હતા,

પિતરાઈ ભાઈ બહેનો પણ સગાથી વિશેષ હતા.

આજ દરેક અલગ અલગ જવાબદારીમાં બંધાઈ ગયા,

આજ દરેક એ દિવસોની યાદો વાગોળતા રહી ગયા.

ઈચ્છે મન ફરી જીવવા મળે એ દિવસો,

મન ભરીને આજ પણ માણવા છે એ દિવસો.