એકલતાની કવિતા

એકલતાની ક્યારેય કવિતા ન કરવાની હોય,

એકલતામાં સ્વયં સાથેની પળ માણવાની હોય,

એકલતાની ક્યારેય વ્યથા ન વર્ણવવાની હોય,

એકલતામાં સ્વયં અંગે વિચારવાની પળ હોય,

એકલતાની ક્યારેય કોઈને જાણ ન કરવાની હોય,

એકલતામાં સ્વયંને ઈશ્વર સમીપ અનુભવવાની પળ હોય,

એકલતાને ક્યારેય વ્યક્તિની નબળાઈ ન સમજવાની હોય,

એકલતામાં મનની શાંતિ અનુભવવાની પળ હોય,

એકલતાને ક્યારેય સુખ કે દુઃખ સાથે ન જોડવાની હોય,

એકલતામાં સ્વયંની તંદુરસ્તી કેળવવા અંગે વિચારવાની પળ હોય,

એકલતામાં ક્યારેય કોઈ એક વ્યક્તિ જવાબદાર ન હોય,

એકલતા તો બંનેના બદલાતા વર્તન અંગે વિચારવાની પળ હોય.