આદ્યશક્તિ

હે, આવી રુડી ચૈત્રી નવરાત્રી, માડી ગરબે રમવા આવજો,

હે, ઊંચા ડુંગર વાળી મા તમે ગરબે રમવા આવજો.

આવજો ને નવદુર્ગા, અમે રૂડાં ગરબા ગાશું જો, 

હે ભાવથી માડી પૂજન કરી,ફૂલડાંથી વધાવશું.

નીરખી મા નયનોથી તમને, આજ અમે પાવન થાશું રે,

હે,આદ્યશક્તિ મા કલ્યાણી, માની શકતી અપરંપાર જો,

હે, ભય દુખને હરનારી મા તમે ગરબે રમવા આવજો,

હે ચાચર ચોકે રમશું મા, જોગણીઓ રમજો માઝમ રાત જો. 

અબીલ ગુલાલે તમને વધાવશું, ભાવથી ગરબા ગાશું જો,

દુખડાં હરજો કાલરાત્રિ, સોહે સાતમ કેરી આ રાત રે,

ભય દુખને હરનારી મા તમે ગરબે રમવા આવજો ધ્રુવ,

સ્વરૂપ સોહામણું માડી તમારુ, હરખે આ હૈયું માત જો. 

હે, આકાશે જૂવો ટોળે વળ્યાં, દેવી દેવતા જુવે આ રાસ જો,

ચૌદ ભુવનની દેવી રમે છે, માની ચુંદડીએ ચમકે રૂડાં તારલાં જો,

ભય દુખને હરનારી મા તમે ગરબે રમવા આવજો,

ભાવથી કરું મા વિનંતી હદયથી, રૂડાં દર્શન દેજો માવડી. 

હે દુઃખ હર્તા, સુખકર્તા મા તમે, વિપતમા દેજો સદા સાથ જો,

ભેળી રહે જો માત ભવાની, મા બીજી ન હોય આશ જો,

ભય દુખને હરનારી મા તમે ગરબે રમવા આવજો,

હે આદ્યશક્તિ મા કલ્યાણી, તમે ગરબે રમવા આવજો.