મન - કલમ

કલમ થકી કંડરાઈ ગયા; ને

પૃષ્ઠ પર પથરાઈ ગયા,

લાગણીઓ, ભાવનાઓ ને વિચારો મારા,

શબ્દો થકી ઊભરાઈ ગયા !

પતંગ વિહરે ગગન વિશાળ,

પણ, માંજા પર રાખી છે લગામ,

મનડાનેય એમ નિકળે પાંખો,

ને વિચારો ના ઉદ્ભવે તરંગો તમામ !

સાથ; મનનો ને કલમનો એવો પાક્કો,

જો ચડ્યા એ બેય મોજે !

મરજીવા બની લગાવે છલાંગ,

તો;પડે ઓછો એને કક્કો !

માંજા પર જેમ રાખી લગામ,

હાથ રાખજો એમ મનની કમાન,

છટકી ન જાય, રાખીએ જો ધ્યાન,

સર કરશે સઘળા મુકામ !