મમતાની માયા

રે...ભૂલવી સ્હેલી નથી

મા-બાપની માયા

    

શ્વાસમાં શ્વાસ સંધાયા

જીવમાં જીવ જળવાયા

વિચારો વ્હાલથી પાયા

હૃદયનાં સ્પંદને ગાયાં  

રે ભૂલવી સ્હેલી નથી

મા-બાપની માયા

હયાતી, છત્ર શી છાંયા

સુખસર્વત્ર ફેલાવ્યાં

શિશુ માટે, ધરી કાયા

પ્રભુ, મા-બાપ, થઈ આવ્યાં

રે ભૂલવી સ્હેલી નથી

માં-બાપની માયા

મળે મુખ જોઈ હૈયારી

પિતા વટ-વૃક્ષની છાંયા

માં તો મમતાની ફૂલ-વાડી

અમી-રસ, રાત-દિ' પાયા

રે ભૂલવી સ્હેલી નથી

મા-બાપની માયા   

'દિલીપ', શ્રી હરિની માયા

મળી મા-બાપની માયા

'સંયોગે' સુખ બને માયા

'વિયોગે' દુઃખ બને માયા  

      

રે ભૂલવી સ્હેલી નથી

મા-બાપની માયા