Library
Profile
માયા મન મોહન
માયા મન મોહન
હે ! શ્રી હરિ ! સૃષ્ટિ રચી !
પ્રસંશનીય છે !
પણ સૃષ્ટિમાં, માયા મૂકી;
તે ચુંબકીય છે ! -(ટેક)
...હે ! શ્રી હરિ ! સૃષ્ટિ રચી...!
અપ્રિય કોઈને નથી,
પ્રિયાતિપ્રિય છે;
સર્જન પ્રભુ સઘળું કર્યું,
તે પૂજનીય છે.
...હે ! શ્રી હરિ ! સૃષ્ટિ રચી...!
મનથી મૂકી,
મૂકાય નહીં,
જે, અદ્વિતીય છે ;
પણ,ચિત્તને ચોંટ્યા કરે,
અતિ ચુંબકીય છે.
...હે ! શ્રી હરિ ! સૃષ્ટિ રચી...!
ચોરાસી લક્ષ જન્મ ચક્ર,
વર્તુળીય છે ;
શું આત્મ આ ભટક્યા કરે !
એ શોભનીય છે ?
...હે ! શ્રી હરિ ! સૃષ્ટિ રચી...!
પ્રભુ મિલન ઉત્સુકતા,
હૈયાંથી પ્રિય છે ;
પણ સૃષ્ટિની માયા પ્રબળ,
અતિ ચુંબકીય છે.
...હે ! શ્રી હરિ ! સૃષ્ટિ રચી...!
મનુષ્ય તમ ભક્તિ કરે,
મોક્ષ કારિણીય છે;
માયા બને મન-મોહિની,
બહુ ચુંબકીય છે.
...હે !શ્રી હરિ ! સૃષ્ટિ રચી...!
'દિલીપ' શું કરવું હવે ?
વિચારણીય છે ;
માયાથી મન ખેંચાય છે,
અતિ ચુંબકીય છે !
...હે ! શ્રી હરિ ! સૃષ્ટિ રચી...!
