વૃત્તિનાં વમળ

વૃત્તિ વહે છે મનમાં, અવર્ણનીય એવી !

કહી કે સહી ના શકશો, પરિસ્થિતિ ય કેવી...

વૃત્તિ વહે છે મનમાં...

  

નબળાઈ મનની જેવી, શક્તિ રિપુની તેવી !

ઈતિહાસ એ રચાવે, છે નીંદનીય જેવી...

વૃત્તિ વહે છે મનમાં...

વળી કામ, ક્રોધ, લોભે, અનિષ્ટતા છે કેવી;

તન-મનની મોજ ટાળે, દમનીય વૃત્તિ એવી...

વૃત્તિ વહે છે મનમાં...

મત્સર 'ને મોહ, મદ પણ, સર્જે પીડાઓ કેવી;

સુખીને, દુઃખી કરાવે, અવાંછનીય એવી...

વૃત્તિ વહે છે મનમાં...

સદ્ વૃત્તિ, સુખ આપે; પ્રસંશનીય એવી;

સત્ કર્મ સહુ કરાવે, છે ઈશ્વરીય જેવી ...

વૃત્તિ વહે છે મનમાં...

દિલમાં, દયા હશે તે છે ધર્મ મૂળ એવી;

 'દિલીપ' ધર્મ કરશે, જીત ઈચ્છનીય જેવી...

 વૃત્તિ વહે છે મનમાં.