મળે તો સારું

રાત થતા મેં આંખોને ઢાળી છે જેની કાજે,

એ શમણાઓને હવે આંખ ફૂટે તો સારું.

ને ક્યાં સુુધી રહે આ માછલી બંધ પેટીમાં,

હવે એને પણ,મોજ દરિયાની મળે તો સારુંં.

ને એણે તો કહી દીધું, વસંત વર્ષાની હતી

એટલે પલળી ગયા,

છતાં મેં દુવા કરી એ પાંપણ નીચે કોરા મળે તો સારું.

ને ક્યાં સુુધી ગોતું 'હું' દીવો લઈ અંધારાને,

હવે એને પણ અજવાળું જડે તો સારું.

ને 'સંગમ' કબર, કફન અને મોત એતો મળી રહેશે,

પણ જીવન જીવવાનું એક બહાનું મળે તો સારું.