મિલન-જુદાઈની ઘટમાળથી પરે થઈ જાય

મિલન - જુદાઈની ઘટમાળથી પરે થઈ જાય,

અશ્રુ તારી યાદે આંખનાં કિનારે આવી અટકી જાય.. !

ફક્ત તું અને હું હોય, મુશ્કેલ છે એવી જગા મળવી,

પ્યાર-દર્દ જમા થાય ને લાલિમાપૂર્ણ હૃદય બની જાય.. !

નજરથી નજર મળવાનો ખેલ છે માત્ર બે ઘડીનો,

સ્મિત કરી તું નજર ફેરવે તો પ્રેમમાં પ્રણય ભળી જાય.. !

ઈશારાઓનાં સંવાદને આમ જ અવિરત રહેવા દે,

શક્ય છે કશું કહું ને મોહબ્બતનો વહેમ ખૂટી જાય.. !

મરણ બાદ ચાહે તો તકદીર જુદા કરી શકે તું ઈશ્વર,

રહેવાને જો તસ્વીરમાં જીવનભર એક જણ મળી જાય.. !

સ્નેહમાં શું જરૂરી છે કશું સૌંદર્યથી પણ વધારે ?

ભીતરનો વિશ્વાસ ઉમેરો ને સંબંધ શ્વાસ બની જાય..!