મીરાં અને હું

મીરાંને મળ્યો કા’ન, મને અક્ષર મળ્યા,

બંને ધરતાં ધ્યાન, મને અક્ષર મળ્યા.

 

મીરાં કા’નની પ્રેમદીવાની,

હું દીવાનો અક્ષરનો;

બંનેનો તો એક જ ભાવ,

આનંદ મળે જીવતરનો,

બંને કરીએ ગાન, મને અક્ષર મળ્યા,

મીરાંને મળ્યો કા’ન, મને અક્ષર મળ્યા.

 

કા’નનાં ગુણ ગાવામાં મીરાં,

સૂધબૂધ પણ ગુમાવે;

હું પણ બનું કલ્પનામાં મસ્ત,

અક્ષરો જ નજરે આવે,

એ વિના જગ વેરાન, મને અક્ષર મળ્યા,

મીરાંને મળ્યો કા’ન, મને અક્ષર મળ્યા.