મેહુલાની વધામણી

ગાજે મેહુલો આજ, ચાલ સખી મન ભરીને નાચી લઉં,

થાશે કાલ મહેર વર્ષાની, ઠરશે મનડું, સખી હરખાઈ જઉં,

ઉકળતા મનડાને બેચેન આ તનને, મળશે હવે,

તો શીતળતા,

મેઘ વરશે મનમૂકીને સખી, ચાલ આજ થોડું મલકાઈ જઉં,

ફૂંકાતા પવન આજ, ગાજે વાદળ ગગન પાર આજ,

ભીંજાશે હવે તો હૈયા, આજ-કાલ થાશે આનંદનો પાર,

કરશે તૈયારી જગતતાત, સજશે ધોરીડા શણગાર કાલ,

સખી ઘર-ઘર વાવડ આજ તો હવે રે,

વહેવાઈ દઉં,

હરખાતા જનજનને, બાલુડા કેરો થશે પોકાર શેરીએ,

સીમાડે ટહુકે મયુર આજ, સખી ઘર-ઘર વધામણી દઉં.