લાઈબ્રેરી
પ્રોફાઈલ
મૌન બોલે છે
મૌન બોલે છે
1 min
626
સૂરજના કિરણમાં ઝાકળનું મૌન બોલે છે,
ઊગતી પરોઢમાં કળીઓનું મૌન બોલે છે.
મિલનની પળમાં આંખોનું મૌન બોલે છે,
જુદાઈની ક્ષણમાં આંસુનું મૌન બોલે છે.
વરસતા વરસાદમાં ધરતીનું મૌન બોલે છે,
ગરજતા વાદળમાં વીજળીનું મૌન બોલે છે.
શમાની રોશનીમાં પતંગિયાનું મૌન બોલે છે,
છવાતા અંધકારમાં ચાંદનીનું મૌન બોલે છે.
સંગીતના સૂરમાં વાણીનું મૌન બોલે છે,
મોતની પથારીમાં જીવનનું મૌન બોલે છે.
કાગળ પર શબ્દોમાં હૃદયનું મૌન બોલે છે,
ઊગતા ઉજાસમાં દિન રૂપે મૌન બોલે છે.
