માતૃત્વની મહેક
માતૃત્વની મહેક
મેં ભીતરમાં વ્હાલપની એક પળ વાવી'તી !
મારા ગર્ભમાં કુમળી એક કુંપળ ખીલી'તી !
એ આહલાદક અહેસાસે સજળ ઝુમી'તી !
વરસાદી ઝરમરે એ કેવી સકળ મ્હેંકતી'તી !
રોમાંચક સ્પંદને એના તરબોળ થતી'તી !
ને ઊર્મિના ઝરણામાં ઝબોળ ન્હાતી'તી !
જીવન બાગમાં કમળ પાંદડી ખીલતી'તી !
એના પ્રથમ સ્પર્શે બની વમળ ઘુમતી'તી !
રાતદિન ખ્વાબોમાં એ ખળખળ વહેતી'તી !
ઉદરમાં એની લાતને પળપળ ઝંખતી'તી !
લાગણીની સરવાણી કૈં નિર્મળ ઝરતી'તી !
આવશે તો દીકરી જ..હરપળ ઈચ્છતી'તી !
એના જન્મની ક્ષણને સબળ માણતી'તી !
જાણે પર્ણ પર ઝાકળ બુંદ બની સરતી'તી !
અંગે અંગ વીજળી તો ઝળહળ ચમકી'તી !
મુખડું જોતા જ પીડા પળપળ ઓસરી'તી !
છાતીએ લગાવી વ્હાલે કપાળ ચુમતી'તી !
પારણે પોઢાડવા હાલરડા મજાનાં ગાતી'તી !
અણીયાણી આંખોમાં કાજળ આંજતી'તી !
રુમઝુમતા એના પગરવે હળવું મલકાતી'તી !
સાંજ સવાર મારી લાડકીની પાછળ ફરતી'તી !
એના સંગાથે આ જિંદગી સફળ લાગતી'તી !