મારા દર્દનો ઉપચાર

આવીજા તું હદયનાં ખુલ્લા દ્વાર છે,

ઉત્સુક છું તને જોવા,કેટલી વાર છે ?

ચાલ સાથે મળી ભવસાગર પાર કરીએ,

તારા વિના તો જાણે સાવ સુનો સંસાર છે !

નિરાશાની ઊંડી ખીણમાં ગરકાવ હતી,

તારા થકી જ તો હૈયે આશાનો સંચાર છે !

તારું મિલન તો જાણે મને અવસર લાગે !

તારા થકી મારું જીવન ગુલે ગુલઝાર છે.

તને પામીને હું એટલી ધન્ય બની ગઈ છું કે

તું જાણે ઈશ્વર તરફથી મળેલ ઉપહાર છે !

તારી મુલાકાતથી બીમારી મારી ભાગી ગઈ,

તું જ જાણે મારા દરેક દર્દનો ઉપચાર છે !