માઁ ની વિવશતા દીકરી

માઁ:-ઢળી રાતના મધ્યે ટકોરા બારણે સંભળાય,

મુજ બારણે સંભળાય, મુજ બારણે સંભળાય,

દીકરી:- માઁ માઁ ખોલ ના શબ્દો મારા કાનમાં અથડાઈ

મારા કાનમાં અથડાઈ.......

દીકરી:- નન્હી પરી થાવ તારી, હોંઠ નું હું સ્મિત,

પામવાં તુજ સ્નેહને મારુ મન ત્યાં લલચાય.

 મારુ મન ત્યાં લલચાય........

માઁ :-હું એ ઝંખું સાથ તારો, કેમ કરી તેને કહું,

 તુચ્છકાર તારો થાય અહીં એ મુજથી ના જોવાય.

 એ મુજથી ના જોવાય....

દીકરી:-તારો સહારો હું બનું, મારો સહારો તું બને,

તલવાર થઈશ હું તારી, પહેલા ઢાલ મારી થા.

પહેલા ઢાલ મારી થા.....

માઁ:- કોઈ કહે ભારો સાપનો ને, કોઈ કહે પારકી જણી,

 અવહેલેના તારી સદા અહીં એ મુજથી ના જોવાય

 એ મુજથી નાજોવાય....

દીકરી:- લક્ષ્મી બની આવ હું, કુમકુમ પગલે નીજ ઘર જાવું,

તોયે છોડીશ ના સાથ તારો, માઁ કેમ તું ગભરાઈ

માઁ કેમ તું ગભરાઈ......

માઁ:- નરભક્ષી નજરો અહીં, કેમ કરી તુજને સંભાળું

વિવશતા જોઈને મારી હવે, આંખ ત્યાં છલકાય.

મારી આંખ ત્યાં છલકાય.......

દીકરી:- ના હવે હું આવું કોદી, નાં હું તને વિવશ કરુ,

નિષ્ઠુર દુનિયા નાં જાકારે, જોડ દીવા થાય.

અહીં જોડ દીવા થાય........

માઁ માઁ ખોલ ના શબ્દો મારા કાનમાં અથડાઈ.