સમર્પણ સ્વીકારી લીધું
સમર્પણ સ્વીકારી લીધું
પ્રશ્ન પ્રેમના પર્વનો ને અથવામાં સમર્પણ હતું,
સમજીને સાનભાનમાં સમર્પણ સ્વીકારી લીધું.
ત્યજવામાં ને ત્યાગનો ફરક ના સમજાયો જગને,
પોતાના જ રત્નને ફરી ધરતીમાં સમાવી લીધું.
આદર્યા તપનું ફળ તો નિશ્ચિત સમય સુધી જ,
વણ માગ્યું મળતું વરદાન ચાહતું એ નકારી લીધું.
હયાતીમાં ન સ્વીકારાયો ઈશ્વરનો પ્રેમ પણ,
મૂર્તિ પથ્થરની પૂજાવીને મંદિર બનાવી લીધું.
પામી લેવું એ જ પ્રેમની અભિવ્યક્તિ નથી,
શાશ્વત પ્રેમમાં રાધા તત્વને અનુભવી લીધું.
યુગોથી પરખાયો પ્રેમ મારો ને પારખ્યો નહીં,
પુરાવો પ્રેમની પ્રતીતિનો શું આપું મૌન સેવી લીધું.