આ મારા દેશની માટી છે

તિલક કરો આ માટીથી, ગાથા ગૌરવશાળી છે,

મહેંકી આખા જગ માંહે ફોરમ એ મધમાતી છે,

આ મારા દેશની માટી છે, આ મારા દેશની માટી છે,

જન્મ લીધો રામ-કૃષ્ણે, આ ધરા પુણ્યશાળી છે,

ઈશ્વર માનવ થઈ જીવ્યો, મૂર્તિ પથ્થર પૂજાતી છે,

આ મારા દેશની માટી છે, આ મારા દેશની માટી છે,

ધન્ય ધરા મુજ માતૃભૂમિની વાત વૈભવશાળી છે,

રક્તે સીંચી આઝાદી વીરોએ ત્રિરંગે લહેરાતી છે,

આ મારા દેશ માટી છે, આ મારા દેશની માટી છે,

રાણા પ્રતાપ, શિવાજી, લક્ષ્મી બાળ શક્તિશાળી છે,

રગરગમાં અમ ઉન્માદ ભરતી નિત્ય હવા વાતી છે,

આ મારા દેશ માટી છે આ મારા દેશની માટી છે,

હસતે મોઢે ફાંસી ચઢ્યા એ વીરો પ્રભાવશાળી છે,

આશ અમર ઈતિહાસે 'પ્રતીતિ' નિત્ય કથા લખાતી છે, 

આ મારા દેશની માટી છે, આ મારા દેશની માટી છે.