માછલીનું ગીત

વીરા હોડી રે હંકાર મધદરિયે રે,

અમે પરણી દરિયાને પાછા કેમ ફરીયે ?

....વીરા હોડી રે હંકાર મધદરિયે રે.....

મારી આંખથી પખાળું તારા પગને રે,

નભ ક્યુ રે દઝાડે કોઈ ખગને રે..?

....વીરા હોડી રે હંકાર મધદરિયે રે.....

કંઈક અમારાં વીત્યા છે ઘણાં સપના રે,

તો ' યે જળ અમારાં છે વીરા ખપના રે...

....વીરા હોડી રે હંકાર મધદરિયે રે.....

શ્વાસ, પ્રેમ ,હૂંફ ,સ્નેહ તણી પ્રીત ઘણી રે,

તેના પ્રેમ જળ વિના મીન જાય ઢળી રે...

....વીરા હોડી રે હંકાર મધદરિયે રે.....