મા ની વેદના

પેટે પાટા બાંધીને એક મા બાળકને

ઉછેરીને મોટો કરે છે,

લોકોના ઘરે જઈ કપડા, વાસણ ધોઈને

પૈસા અને ખાવાનું લાવતી મા,

બાળપણમાં સારી લાગતી હતી,

એ જ મા આજે આંખમાં કણાની માફક ખૂંચે છે,

બાળક પડે તો ઉઠાવતી આંસુ લૂછતી,

ભગવાન જોડે બાળકની ખુશી માટે લડતી,

આજે એ જ મા પડી જાય તો

લાખો રૂપિયાનો માલિક દીકરો

સરકારી હોસ્પિટલમાં મા ને એકલી મોકલતો,

ને પોતે નોકરી સાચવતો.

શૌચ બાદ બાળકને હસતા મુખે સાફ કરતી,

બાળક મારે તો પણ હસતા મુખે માફ કરતી,

આજે એ જ મા ને શૌચ માટે ટોયલેટમાં

લઈ જવા હાથ પણ નથી પકડાતો.