લોપાય મુખથી લાલિમા

ઈશ્વર તણો ઉપકાર જીવન, જાણશો તો મોજ છે,

માનવ જગતમાં શ્રેષ્ઠ શાને ? વાંચશો તો ખોજ છે,

સુખ દુઃખ તણી ઘટમાળ છે આ જિંદગી, ના ભૂલવું, 

છે વાત સાદી, ભૂલશો ને ભાગશો તો બોજ છે,

બચપણ, યુવાની ને વળી વાર્ધક્યની કેવી મજા ! 

સૌંદર્ય રૂડું પારખી લઈ, કોળશો તો ઓજ છે,

લોપાય મુખથી લાલિમાં ! જીવવું નથી એવું હવે,

ઉત્તમ કરમનું ભાત ભાવે, બાંધશો તો ભોજ છે,

આવાગમનનાં ખેલનું, પ્યાદું બની કાં જીવવું ? 

રળિયાત જીવન 'શ્રી' કરી, જગ છોડશે તો હોજ છે.