લાગણીની સીમા

દિલમાં રહેલી લાગણી કદી સીમિત હોતી નથી,

જેની પાસે જે હોય એની કદી કિંમત હોતી નથી !

કેવી રીતે વિતે છે જીવન એ તું શું જાણી શકે,

એકાદી રાત મારી કદી અશ્રુ રહિત હોતી નથી !

અપેક્ષા શું રાખવી હવે કોઈથી મારે દુનિયામાં,

મળવાની મને એવી તો એમને મમત હોતી નથી !

હોય જો બંને તરફ તો જ એ સફળતા પામે છે,

કિનારે પહોંચતી કદી એકતરફી ચાહત હોતી નથી !

પૂરા જીવનમાં મળ્યું નહીં એકાદું સુખ તને 'ઉમંગ',

ને તમારી યાદથી વધુ સારી કોઈ રાહત હોતી નથી !