લાઈબ્રેરી
પ્રોફાઈલ
લાડલી
લાડલી
1 min
260
આભથી ઉતરી એક વાદળી રે લોલ
સ્નેહ જલથી ભરેલી અપાર રે
હેતની વરસાવે હેલી લાડલી રે લોલ
ખળખળ ઝરણા સમી એ દીસતી રે લોલ
વહેતી નિરંતર બેમિસાલ રે
હેતની વરસાવે હેલી લાડલી રે લોલ
ભાવથી ભરેલ અજબ નેણલા રે લોલ
સપના મેઘધનુષી અપાર રે
હેતની વરસાવે હેલી લાડલી રે લોલ
કોડથી ભરેલ નાનું દીલડુ રે લોલ
સપ્તરંગી ભરેલી એમાં ભાત રે
હેતની વરસાવે હેલી લાડલી રે લોલ
ચાંદ તારા ચમકે અંધકારમાં રે લોલ
દિન રાત નો ઉજાસ બારેમાસ રે
હેતની વરસાવે હેલી લાડલી રે લોલ
ટહુકતી મીઠી મધુરી મોરલી રે લોલ
મહેકતી ગુલાબ ની સુવાસ રે
હેતની વરસાવે હેલી લાડલી રે લોલ
પ્રાણથી વધારે પ્યારી દીકરી રે લોલ
એનું મૂલ ના અંકાય અનમોલ રે
હેતની વરસાવે હેલી લાડલી રે લોલ
