ક્યારેક એવું બને ?

ક્યારેક એવું બને ?

સૂરજ કરે આળસ ઊગવામાં ને નીંદર થોડી વધારે મળે,

પંખીઓના કલરવને થોડી આઝાદી મળે.

ક્યારેક એવું બને ?

હું જોડું હાથ ને તરત વરદાન મળે,

ખોવાએલ સઘળા સંબંધ પળવારમાં પાછા મળે.

ક્યારેક એવું બને ?

વૃક્ષો કરે વાતો ને માણસ છાયો આપે,

વાહનો લે વિરામ ને પશુઓની ઝાંખી નીકળે.

ક્યારેક એવું બને ?

બગડેલો ભૂતકાળ ઠીક થાય, કરેલી ભૂલ સુધરી જાય,

રિસાયેલી રિઆસત પણ પાછી આવી જાય.

ક્યારેક એવું બને ?

નીકળું ખુદા ની શોધમાં ને,

ખુદમાં જ મને તું મળી જાય !