ક્યારે પરત આવીશ

મનમાં ને મનમાં મૂંઝાઈ રહ્યો છું,

તારા જ વિચારોમાં ડૂબી રહ્યો છું, 

સતાવે છે મુજને હરપળ યાદ તારી,

ક્યારે પરત આવીશ ઓ પ્રિયતમા વ્હાલી,

પ્રેમના વરસાદથી ભીંજવી હતી મેં

દિલથી લાગણીમાં તરબોળ કરી હતી મેં,

ઈચ્છાઓ બધી મેં પૂરી કરી હતી તારી,

ક્યારે પરત આવીશ ઓ પ્રિયતમા વ્હાલી,

પ્રેમની સરિતા વહાવી હતી મેં,

દિલમાં મારા વસાવી હતી મેં,

પ્રેમની શરણાઈ વગાડી હતી તારી,

ક્યારે પરત આવીશ ઓ પ્રિયતમા વ્હાલી,

રાત દિન વિરહમાં વીતાવી રહ્યો છું,

નયનોથી અશ્રુ વહાવી રહ્યો છું,

દિલમાં વ્યાપી ગઈ છે કરૂણા તારી,

ક્યારે પરત આવીશ ઓ પ્રિયતમા વ્હાલી,

એકલો છોડી તું ચાલી ગઈ છો મુજને,

સૂમસાન જીવનમાં ધકેલ્યો છે મુજને,

વાટ જોઈ રહ્યો છું હું "મુરલી" તારી,

ક્યારે પરત આવીશ ઓ પ્રિયતમા વ્હાલી.