Library
ક્યાંક
ક્યાંક
ક્યાંક કોઈ આપણું થઈ મ્હોરી ઊઠે ને,
ક્યાંક કોઈ સપનું ય ફૂટી નીકળે.. !
સાવ કંઈ બેસ્વાદ નથી આ જિંદગી વ્હાલા !
થોડું ધ્યાનથી જુઓ તો ક્યાંક કોઈ ગમતું ય અમસ્તું જ સામે આવી નીકળે !
કોઈ સ્વાર્થે ને કોઈ પરમાર્થે અહીં પમરી ઉઠે ને,
ક્યાંક કોઈ ઘરનું ય રૂઠી નીકળે, પણ...
સાવ કંઈ બેસ્વાદ નથી આ જિંદગી વ્હાલા !
થોડા ઘૂંટ કડવા ગળી તો જુઓ પછી ક્યાંક મીઠો વીરડો ય સામે ફૂટી નીકળે !
ડગલું ભર્યું કે હવે નહિ હટવું એવું ય થઈ ઊઠે ને,
ક્યાંક પાછી પાની પણ થઈ નીકળે.. !
સાવ કંઈ બેસ્વાદ નથી આ જિંદગી વ્હાલા !
કોઈ દિ' હારીને ય જીતવાની કળા અજમાવો કદાચ એમાં જ જીત એવી મળી નીકળે !
ઘૃણા તો આમેય મફત છે ને પ્રેમ તો ખરીદવો રહ્યો,
તો પ્રેમથી જ પ્રેમ ખરીદી જુઓ ને !
સાવ કંઈ બેસ્વાદ નથી આ જિંદગી વ્હાલા !
તમેય નહિ નુકસાનીમાં ને સામો પણ રહે છે ફાયદામાં એમાં જ નફો ફૂટી પણ નીકળે !
ક્યાં ક્યાં ગોતશો સુખ ને કે શણગાર ને દુનિયામાં,
જરા અંતર ને શોધી નિખારી જુઓ જરા !
સાવ કંઈ બેસ્વાદ નથી આ જિંદગી વ્હાલા !
મોજમાં જ રે'શો ને રાખશો આખા મલક ને મોજમાં, એવી મોજ ઊગી પણ નીકળે !
