ક્યાં જઈને કરવી રાવ

ક્યાં જઈને કરવી રાવ ?

જ્યારે પોતાના જ આપે ઘાવ,

કોની પાસે જઈને માગવી છાંવ, ?

હવે ક્યાં કોઈને છે મારા માટે લગાવ,

કોને જઈને કરવી વાત ?

મારા પોતાના જ આપે છે મને આઘાત,

તમે જ કહો કોને જઈને કરવી વાત ?

આ સંબંધોના વિચ્છેદે હૈયે મચાવ્યો ઉત્પાત,

હવે કોને જઈને કરવી રાવ ?

ગગનથી તારલા રિસાયા,

આ બાગથી ફૂલો રિસાયા,

આ માછલીથી દરિયો રિસાયો,

આ વેલડીથી વૃક્ષ રિસાયું,

આ મનમાં ઉઠ્યો ઝંઝાવાત,

કોને જઈને કરવી વાત ?

આ લાગણી વિનાનો સંબંધ,

આપે નીત નવો આઘાત,

હૈયા પર થાય પીડાનો પ્રપાત,

કોની જઈને કરું મુલાકાત ?

કોની પાસે જઈ ને કરું રજૂઆત ?

કોને જઈને કરું વાત ?