કસુંબી રંગ છવાયો છે..!

કસુંબી રંગ છવાયો છે જોને ગગનમાં,

મહેંદી રંગ લાગ્યો છે જોને આ ફલકમાં..!

પ્રીતની પાનેતર જાણે પહેરીને તું આવી 

હૈયા રંગાણા આપણાં જાણે વસંતમાં..!

નેણ નશીલા તારા થયા છે કસુંબામાં,

અફીણી આંખો મદહોશ કરે છે જાણે નશામાં..!

એક થઈ જઈશું આપણે આ કસુંબીના રંગમાં,

કે તારા અધરની આ લાલી જાણે ઉપસી છે શરમમાં...!

થઇ મલંગ ઝૂમી ઊઠું હું 'અમન' તારી યાદમાં,

કે મેં પીધો છે કસુંબો અને રંગ ચડ્યો છે તારા ઇશ્કમાં..!