આ ચાંદ
આ ચાંદ
એકલો એકલો ફર્યા કરે છે અનંત વ્યોમમાં,
નક્કી રાતભર ઉષાને શોધ્યા કરે છે આ ચાંદ..!
રાતને પણ અજવાળી કરી દે છે આ ચાંદની,
નક્કી રાતભર કોઈની યાદમાં બળે છે આ ચાંદ..!
વાદળો સાથે છૂપાછૂપી રમે છે આ ચાંદ,
ને તારલાઓને પણ ઈર્ષામાં બાળે છે આ ચાંદ..!
ઉછીના કિરણો લઈને રોશન કરે છે રાતને,
સૂરજદાદાથી એટલે જ નાસતો ફરે છે આ ચાંદ..!
આભમાં લાગે જાણે હોય તારા લલાટની કોઈ બિંદી,
પૂનમની આ રાત ને શોભાવે છે આ ચાંદ..!