કૃષ્ણ

કાળી અંધિયારી રાતમાં,

કંસના કારાવાસમાં,

જન્મે છે એક જુગધાર,

એ મારો નંદનો લાલ છે,

ગોકુળની શેરીઓમાં,

ગ્વાલના એ રૂપમાં,

રાક્ષસોનો જે મારણહાર,

એ મારો જશોદા લાલ છે,

ઘેલું આખું ગામ,

જેની વાંસળીના સૂરનું,

જે છે મનમોહક અને મનોહર,

એ મારો રાધાનો શ્યામ છે,

સ્વીકારી અરજી અક્રૂરની,

એ જાય મથુરા નગરીમાં,

કંસનો જે કરે સંહાર,

એ મારો બ્રજકિશોર છે,

લઈ પક્ષ પાંડવોનો,

કુરુક્ષેત્રના યુદ્ધમાં,

ધર્મની જે કરે છે સ્થાપના પુનઃ,

એ મારો જગન્નાથ છે.