એ પોતાની ઓળખ ભૂલ્યો છે

રાત દિવસ ભાગે છે માણસ એની ઓળખાણ બનાવવા,

પણ વિચારતો નથી એ શાંત મગજ થી, કે એ ભાગમભાગમાં એ પોતાની ઓળખ ભૂલ્યો છે...

રાત દિવસ ભાગે છે માણસ સફળતાની ચરમસીમા પામવા, 

પણ વિચારતો નથી એ શાંત મગજથી, કે એ ભાગમભાગમાં એ પ્રેમની પરિભાષા ભૂલ્યો છે..

રાત દિવસ ભાગે છે માણસ એની કાલને વધુ સુખમય બનાવવા,

પણ વિચારતો નથી એ શાંત મગજથી, કે એ ભાગમભાગમાં એ આજનું સુખ ભોગવવાનું ભૂલ્યો છે..

રાત દિવસ ભાગે છે માણસ વધુમા વધુ ધન કમાવા, 

પણ વિચારતો નથી એ શાંત મગજથી, કે એ ભાગમભાગમાં એ પોતાના લોકોને ભૂલ્યો છે..

માટે જ કહું છું,

હે માનવ મગજ ને શાંત કર અને વિચાર કર કે આ જગત ને તારી સફળતા કરતા તારા સ્નેહની જરૂર છે,

તારા ધન કરતા તારા પ્રેમની જરૂર છે.. તારી કાલ કરતા તારા આજની જરૂર છે.