જવાબ છે?

આજ યુગમાં માં-બાપનું ગૌરવ જાળવવા,

કોલ્હૂનાં બૈલની જેમ ઘસાતો બાળક,

પૂછે છે, આ બાળપણ એટલે શું ?

સવારે સ્કૂલ, બપોરે ટયુશન્સ,

સાંજના બીજા અવનવા કલાસીસમાં બંધાયેલો બાળક,

પૂછે છે, આ બાળપણ એટલે શું ?

નિશાળ અને ટયુશન્સનાં દફતરનો બોજ,

માતા-પિતાનાં અપેક્ષાઓનાં વજન તળે દબાયેલો બાળક,

પૂછે છે, આ બાળપણ એટલે શું ?

ડાયેટનાં નામે બંધાયેલું એનું ભોજન,

ઘડિયાળનાં કાંટે બંધાયેલો એનો દિવસ જોઈને બાળક,

પૂછે છે, આ બાળપણ એટલે શું ?

સવાર થઈ, સાંજ થઈ, રાત થઈ,

પણ તમારી અપેક્ષાઓ તો વધતીજ ગઈ,

ના સમજાયું તમને શું વીતતું હશે એ કોમળ મન પર,

તમારી અગણિત અપેક્ષાઓને પૂરી કરવામાં વ્યસ્ત એ બાળક, 

એક દિવસ જરૂર પૂછશે, "આ બાળપણ એટલે શું ?", એનો "જવાબ છે?"