એ કાનુડો જીવી ગયો માણસ થઈને

આખુ જગ જેની મોરલીના સૂરનો દિવાનો છે, 

એ કાનુડો દિવાનો છે રાધાના પ્રેમનો..

દરેક ભારથી જેને લોકોને મુક્ત કર્યા છે,  

એ કાનુડો જીવે છે રાધાના વિરહનો ભાર લઈને..

દર્શન માત્રથી જેના માણસ વૈકુંઠ પામે છે, 

એ કાનુડો તરસે છે એના મિત્રના દર્શનને..

આખો ગોવર્ધન પર્વત જેણે ઉપાડ્યો છે,

એ કાનુડો રોકી ના શક્યો પોતાના કુળના વિનાશને..

મહાભારતમાં જેણે સમયને રોકીને રાખ્યો છે,

એ કાનુડો ના રોકી શક્યો પોતાની મૃત્યુને..

વિષ્ણુનો અવતાર થઈને જેને જન્મ લીધો છે,

એ કાનુડો જીવી ગયો આ સંસારમાં માણસ થઈને.