ચાલ એ જીવન પાછું જીવીએ
ચાલ એ જીવન પાછું જીવીએ
ચાલ એક પળ સાથે હસીએ,
ચાલ એક પળ સાથે રડીએ,
ભૂલીને બધા તકરાર,
ચાલ એ જીવન પાછું જીવીએ.
થોડુંક તું રિસાય,
થોડુંક હું તને મનાવું,
ભૂલી ને બધો અહમ,
ચાલ એ જીવન પાછું જીવીએ.
ક્ષિતિજે આથમતો સૂરજ છે,
લહેરાતી ઠંડી હવા છે,
એકમેકની બાહોમાં ભૂલીને દિવસભરનો થાક,
ચાલ એ જીવન પાછું જીવીએ.
પંખીઓનો મીઠો કલરવ છે,
વહેતી પુષ્પની મીઠી સુગંધ છે,
હાથમાં હાથ દઈ, સ્પર્શ કરીએ એકમેકના હોઠને,
ચાલ એ જીવન પાછું જીવીએ.
કૉલેજ અને ક્લાસિસના બહાને પાછા મળીયે,
ચાલ એજ ટોકીઝમાં સાથે પિક્ચર જોઈએ,
ભૂલો લોકોની ચિંતા,
ચાલ એ જીવન પાછું જીવીએ.
એકજ કપમાં ફરી સાથે ચ્હાનો આનંદ માણીએ,
એજ રેકડી પર પાછા મળીયે,
હતો જે ક્યારેક આપણો મિટિંગ પોઈન્ટ,
ચાલ એ જીવન પાછું જીવીએ.