ખબર છે તને?

મનોમન અંતરના સાગરમાં ડૂબકી મારીને,

એક ઢળતી સાંજે તને સ્વપ્નમાં જોઈને,

ભીંજાયેલા નયનોમાં કોરોકટ કેમ રહું?

... ....... ... એ તો તને ખબર જ છેને ?

તારા ધબકારા અને ધડકનોની સાથે રહીને,

ચંચળ અને ઉછળતા તરંગોમાં તરતા રહીને,

જીંદગી જુગારમાં મૂકયા વગર કેમ રહું ?

... ....... ..... એ તો તને ખબરજ છેને ?

મખમલી તારા તરોતાજા બદનને જોઈને,

એક વરસાદી સાંજે સાવ કોરાકટ રહીને,

નીતરતા હૈયે છલકયા વગર કેમ રહું ?

... ....... ..... એ તો તને ખબર જ છેને?

વગડામાં ગુંજન કરતા પતંગિયાને જોઈને,

પુષ્પના પરાગરજ વહનને નજરોથી માણીને,

"દેવ" કહે એમ થોડો ભીંજાયા વગર રહું ?

... ....... ..... એ તો તને ખબર જ છેને?