જાળમાં ફસાઈ ગયો
જાળમાં ફસાઈ ગયો
1 min
441
જાણી દોરી કાચી, પાકી દોરીમાં બંધાઈ ગયો,
ખુદમાંથી નીકળી, કોઈના દિલમાં સમાઈ ગયો,
કાપી પતંગ જાણે,ખુદનો પતંગ ખોવાઈ ગયો,
જાળ ફેલાવી, ખુદ જ જાળમાં ફસાઈ ગયો,
ખેંચ ને ઢીલ તો જીંદગીની દોરનો શિરસ્તો છે,
પતંગના ભેદી પેચમાં, ઢીલ આપી કપાઈ ગયો,
ઢાંકવાની કોશિશ કરતો, ખુદ ના ઢંકાયો પણ,
પોતાનો પડછાયો, ખુદ મારા પર છવાઇ ગયો,
મન મીઠું ઝરણું માની, તરવું નદીના વહેણમાં,
ખારા સમુદ્રમાં,જાણે સ્ફટિકમાં બંધાઈ ગયો,
મન જાણે સમુદ્રમાં ધીરે ધીરે પાકતુ મોતી છે,
જાણે "દેવ" પણ તેની રમતમાં અટવાઈ ગયો.