'કરશું અમર પ્રેમને'

કરશું અમર આ પ્રેમને, બસ સાથ ના છૂટે કદી,

બદલાય સઘળું વિશ્વ છો, અરમાન ના તૂટે કદી,

લૈલા બનીને ઢોળતી, અમૃત સમી એ લાગણી,

મજનુ પડે પાછો અહીં! ફરમાન ના ઘૂંટે કદી.

ના એક દિન ભાળે, વદન કરમાય થાતાં કોચલા !

છે ખૂબ આકર્ષણ નયનમાં, લાભ ના લૂંટે કદી.

બંધન રહે જન્મો જનમ એ ઝંખના ઝાંખી બની, 

પર્યાય મળતા રૂપ બદલે, વાત ફૂટે ના  કદી.

મજબૂર થઇ દેતા દગો કે અનુકરણ ફેશન તણું!

છલના વધી, ચોપાસ ભૂંડી, રાત ના ખૂટે કદી.