કોને કહું ?

મારે પણ વહેવું હતું ઝરણાની જેમ

ઝણકાર કરતા કરતા મને પણ પહોચવું હતું મારી મંઝિલ પર

મારા આ દર્દની વાત હું કોને કહું ?

સીમાડા તોડી મને પણ વહેવું હતી આ સરિતાની જેમ

સાગર સંગે મને પણ મોજ માણવી હતી મોજાઓની જેમ

મારા તૂટેલા અરમાનોની વાત હું કોને કહું ?

અધૂરી રહી ગઈ ઈચ્છા ઓ અધુરા રહી ગયા અરમાનો

એક બંધિયાર ખાબોચિયું બની રહી ગયા આ અરમાનો મારા

આ દર્દની દાસ્તાન હું કોને કહું ?

સમંદરની શોધમાં નીકળી હતી હુ

પણ અધવચ્ચે રણપ્રદેશમાં જ ખોવાઈ ગઇ હું તો

મારા અસ્તિત્વના થયેલા વિનાશની વાત હું કોને કહું ?

દોષ કોને આપુ હું મારા સ્વપ્નભંગનો ?

તુંટ્યા સપના ઓ મારા રૂઠયા પોતાના મારા

ફૂટ્યો દર્પણ આશા અરમાનોનો

હૈયું થયું ઘાયલ, આ વેદનાની વાતો હું કોને કહું ?