Library
કોઈક વાર, એવું થાય છે
કોઈક વાર, એવું થાય છે
1 min
47
કોઈક વાર, એવું થાય છે !
એક પળ જીવવામાં, જીવન આખું નીકળી જાય છે,
ને, મનગમતું કરવામાં, બીજાનાં દિલ દુભાય છે !
કોઈક વાર, એવું થાય છે !
સમયની સાથે દોડવામાં, વરસો બાજી જીતી જાય છે !
ને, રેત મુઠ્ઠી ભરવામાં, દરિયો સરી જાય છે !
કોઈક વાર, એવું થાય છે !
પૈસા ખુબ કમાવામાં, દિલ ખાલી થઈ જાય છે,
ને, જિંદગી પૂરી કરવામાં, શોખ અધૂરા રહી જાય છે !
કોઈક વાર, એવું થાય છે !
સપનાંઓ મીઠાં જોવામાં, રાત આખી વીતી જાય છે,
ને, હકીકત સાથે બાથ ભીડવામાં, નીંદર પણ રાતે રિસાય છે !
કોઈક વાર, એવું થાય છે !
પ્રેમથી સાથ નિભાવવામાં, ઘણીયે તકરાર થાય છે,
ને,સાથ નિભાવતાં નિભાવતાં,'ચાહત' ભૂલી જવાય છે !
કોઈક વાર, એવું થાય છે !
