ખૂલતાં નથી
ખૂલતાં નથી
બંધાયા બંધને એ સહેલાઈથી છૂટતાં નથી,
હોય કાચી દોરી સમાં તો પણ તૂટતાં નથી !
સંબંધોમાં હોય નમવાનું, ગમવાનું, સમજવાનું,
અપેક્ષાઓમાં ઉણા ઉતર્યા તો ભૂલતાં નથી !
જિંદગી છે એક સંઘર્ષ અને એક અનુભવ,
પડે ક્યાંક ભૂલ તો ફરી એકડો ઘૂંટતાં નથી !
ખુદ્દારીથી ઘણાય ગમાં-અણગમાંઓ સહ્યાં,
હોય જિંદાદિલ એ કોઈ દિવસ ઝૂકતાં નથી !
ખૂલ્લી હોય પાંખોને સામે ખૂલ્લું આસમાન,
'ઝીલ' સોનાના પિંજરા હવે ખૂલતાં નથી !