ખુલ્લી કિતાબ

જો વાંચનનો શોખ હોય ને તો વાંચજે, 

મારું જીવન એક ખુલ્લી કિતાબ છે.

જો એકી બેઠકે વાંચવાનું મન થાય ને

તોજ ઉપાડજે આ જીવનનું પુસ્તક ! 

અહીં આજ મારું જીવન વાંચી અધૂરું મૂકી

બીજું પુસ્તક ન લઈશ મારું જીવન પુસ્તક મૂકી   !

અંદરનો પ્રકાશ જો પુસ્તક વાંચતા દેખાય ને

તો આવજે અંદર બાકી બહારથી જ ન જોજે મને 

જો મારા જીવનની કથા વ્યથાના શબ્દો સમજી શકે ને,

તો જ શબ્દની સાથે પ્રેમ સંબંધ રાખજે.

હું એક પ્રકાશિત નવલકથાનું પાત્ર છું

જો મારા પાત્રમાં ખુદનો અહેસાસ કર ને

તોજ વાંચજે આ પુસ્તક ! 

માત્ર અહીં પુસ્તકના પાનાજ નથી

જીવાઈ ગયેલ ક્ષણોનો ખજાનો છે આ જીવન.

મારું જીવન ખુલ્લી કિતાબ છે

જો આંખોથી જ વાંચી શકે તો જરૂર આવજે અંદર.

સ્નેહની સરવાણી વહાવી દઈશ હું

પણ વાંચનનો શોખ રાખજે તું !