કહેવા ન પડે

દર્દ રહી જાય છે અધૂરા જો એ સહેવા ન પડે,

વહેતુ વહી જવા દો તો કોઈ ને પારકા કહેવા ન પડે.

હાલ બેહાલ તો હોય ભાઈ જેમ રાત-દિવસ થાય,

જો બધું ચાલે સરખું તો ભગવાનને ભગવાન કહેવા ન પડે.

એક અમથું તો આયખુંને શુ કામ આટલી ચિંતા,

કરને કૈક એવું કે સમાચાર આપણા કોઈને કહેવા ન પડે.

સુખ અને દુઃખ કરે છે માત્ર અહીં કામ પોતપોતાનું,

જાતમાં પરોવ જાતને જેથી શાગિર્દ કોઈને કહેવા ન પડે.

આગળ જે કાઈ પણ થવાનું એ તો અણધાર્યું જ થવાનું,

જીવી લે ને જ મળ્યું પછી મનનાં ઓરતા કોઈને કેહવા ન પડે.