કેવી લાગતી હશે!

પણ 'કેવી લાગતી હશે!' એ ઢિંગલી

પહેલીવાર એ આવી મારી સામે ત્યારે 

એ એક સુંદર પરી જેવી દેખાતી હતી 

અમારી ચૉકની સાક્ષીએ દોસ્તી હતી

પણ 'કેવી લાગતી હશે!' એ ઢિંગલી

જ્યારે એ બાળકી પહેલીવાર રડી હતી

કેવું જોઈને મને એ રોજ હસતી હતી

બકબકથી મારી એ કંટાળી જતી હતી

પણ 'કેવી લાગતી હશે!' એ ઢિંગલી

જ્યારે રીસાઈને ઘર માથે લેતી હતી

ગેટ આઉટ કહીને મને ભગાવતી હતી

આમ, આંખો કાઢી મને ડરાવતી હતી

પણ 'કેવી લાગતી હશે!' એ ઢિંગલી

જ્યારે એ ટેડી માટે ઝઘડતી હતી

પ્રોફેસર બનીએ સૌને ભણાવતી હતી

'ને રોજ મને કંઈક નવું શીખવતી હતી

પણ 'કેવી લાગતી હશે!' એ ઢિંગલી

જ્યારે એ રુમઝુમ સ્કુલમાં જતી હતી

કાળી આંખમાં કાજળ આંજતી હતી

'ને ધીમે ધીમે એ તો કેવું બોલતી હતી 

પણ 'કેવી લાગતી હશે!' એ ઢિંગલી

જ્યારે એ પા-પા પગલી ચાલતી હતી

રોજ એની સુંદરતા હું ય લખતી હતી

એના ગુસ્સામાં પણ હું હસતી હતી

પણ 'કેવી લાગતી હશે!' એ ઢિંગલી