કેસૂડો રંગાયો
કેસૂડો રંગાયો
ફાગણ આવ્યો ને કેસૂડો રંગાયો
ફાગણ આવ્યો ને કેસૂડો લહેરાયો,
કેસુડે કેસૂડે ઊડે શબ્દ રંગ ગુલાબી
ઘેરૈયાએ ઘોળ્યો કસુંબલ ગુલાબી,
કોયલને કંઠે ગવાયો શબ્દરૂપી રંગ,
મયુર સંગ રેલાયો નાચ ગાનનો રંગ,
નવોઢાએ સેથામાં પૂર્યો પ્રેમનો રંગ,
વસંતના વાયરામાં ઊડે શબ્દ રંગ,
સૂરજના તડકે શેકાયો મહેનતનો રંગ,
ઘરના ઉંબરે પોખાયો કસુંબલ રંગ.. !
ઉરમાં સૂતેલી સઘળી વેદનાઓ સળવળી,
ફાગણિયો લહેરાયો રોમમાં નીજ રંગાયો..!