કેમ લાગે છે

અઢળક પ્રેમ કર્યા પછી તું અપરિચિત કેમ લાગે છે ?

લાગણીઓના સાગરમાં ભરતી આવ્યાં પછી ઓટ કેમ આવે છે ?

મારાં મૌનને તેં નારાજગી સમજી પ્રેમને દફનાવી દીધો,

હવે હૈયામાં દાવાનળ સળગતો કેમ લાગે છે ?

કેટલાય અરમાનો સેવ્યાં હતાં તારી સાથે સહજીવનમાં,

જિંદગી વેદનાનો પટારો કેમ લાગે છે ?

નથી જોઈતી મને તારી કોઈ મહેરબાની હવે આ જિંદગીમાં,

ગમની મહેફિલમાં શ્વાસોના શ્વાસ પણ ઉછળતાં લાગે છે,

તારું હોવું ન હોવું, હવે મને શું ફરક પડે છે ? તે ક્યારેય વિચાર્યું ? 

અજાણી ભોમકામાં હવે અપરિચિતની જેમ વસવાનો થાક લાગે છે, 

જા, છોડી દે, મને મારાં હાલ પર, જીવી લઈશ,

એક અજનબીની જેમ આ મોસમ પણ બદલાયેલી લાગે છે,

"સખી" કશું છૂટી રહ્યું છે મારાં આ દિલનાં પટારામાંથી, 

કદાચ નિઃસાસાને પણ હવે સમયનો વ્યય લાગે છે.