કાયદા કાનૂન

રાજકારણે રમત કેમ ?

દેશ પ્રત્યે ન મમત કેમ ?

જે છે જનતા જનાર્દન,

એની જ ન કિંમત કેમ ?

છે કાયદા કાનૂન દેશમાં,

તો દેશમાં દહેશત કેમ ?

નારી તું નારાયણી સંસ્કૃતિ,

તો નારીની ન ઈજ્જત કેમ ?

જો હો એકતા ભારતીયોમાં,

જુદાં સૂરની વાગે નોબત કેમ ?

જે માતૃભૂમિમાં જન્મ્યા, રમ્યા

તોયે માઁ પર બૂરી નિયત કેમ ?

મોહમાયા જૂઠી કહે જે છાતી ઠોકી,

એજ આજ મોહમાં આસક્ત કેમ ?

છો વારસ છત્રપતિ, મહારાણા પ્રતાપના

તોયે કાન્તાસુત કલેજે વહે રક્ત ઠંડુ કેમ ?